Duke theksuar qëndrimin “zero tolerancë” ndaj sjelljeve që krijojnë mjedis jomiqësor për studentët, stafin akademik dhe stafin administrativ, si dhe sjelljeve si ngacmimi, ngacmimi seksual, diskriminimi, cënimi i integritetit personal, shpifja, ofendimi apo sjelljeve tjera joetike, si dhe duke reflektuar vlerat institucionale të Fakultetit, Fakulteti i Edukimit lanson Politikën e vet kundër diskriminimit dhe ngacmimit, përmes së cilës zotohet për masa proaktive për parandalimin e sjelljeve joetike dhe joprofesionale në mjediset e fakultetit si dhe avokimin dhe avancimin e vlerave njerëzore duke përfshirë respektin, të drejtat e njeriut dhe trajtimin dinjitoz të secilit anëtar të komunitetit të Fakultetit të Edukimit.

Politika e Fakultetit të Edukimit ka për qëllim garantimin e mjediseve të sigurta dhe profesionale për punë dhe mësim dhe ndalon çdo formë të diskriminimit, shkeljes së integritetit dhe ngacmimit dhe zbatohet për të gjithë anëtarët e komunitetit të Fakultetit.

Ky dokument është detyrues për të gjithë anëtarët e komunitetit akademik të Fakultetit të Edukimit dhe përcakton në një anë përkushtimin e institucionit ndaj krijimit të ambienteve cilësore dhe të sigurta, ndërsa në anën tjetër vendos mekanizmat shtesë për vetëdijësimin mbi dhe parandalimin e diskriminimit dhe ngacmimeve në mjediset e fakultetit dhe në proceset relevante të realizimit të procesit arsimor. Dokumenti poashtu paraqet strukturat dhe proceset e raportimit dhe reagimit, si dhe plane të menaxhimit të krizave e shqetësimeve që mund të ngriten nga studentët e personeli i FEdu.

Politikën për parandalim të ngacmimeve dhe krijim të mjediseve të sigurta mund ta shkarkoni këtu.